Thursday 26 January 2017

வாஸ்து-பசு மற்றும் எருதுகள்

பண்டைக் காலத்தில் [ஆரம்பித்த உடனேயே பேஜ் ஸ்க்ரோல் செய்து ஓட வேண்டாம், கொஞ்சம் வாசித்துப் பாருங்கள், பிடித்தால் சொல்லுங்கள், பிடிக்கா விட்டாலும் சொல்லுங்கள், 'ஜவ்வு' என்று திட்டினாலும் தாங்க்ஸ்]
தமிழ் நாட்டில், ஏன் இந்தியா முழுவதிலும் அநேக கிராமங்களில், ஒவ்வொரு வீட்டு வாசலிலும், பசு, எருது பூட்டி வைப்பது கௌரவமாகக் கருதப் பட்டது.  அதுவே வாஸ்து என்றும் நம்பப் பட்டது.

பெருந்தலைவர் காமராஜர் சொன்னாராம், "ஒரு வீட்டில் ஒரு முருங்கை மரமும், ஒரு பசுவும் இருந்தால், அந்தக் குடும்பத் தலைவி  தன் குடும்பத்தை சுலபமாகக் காப்பாற்றுவாள்."

அது போலவே அநேகம் பெண்மணிகள் தங்கள் குடும்பத்தை, பிள்ளைகளை, கஷ்டம் தெரியாமல் பேணிக் காத்திருக்கின்றனர்.

இன்று இதெல்லாம் சாத்தியமா? என்றால் சாத்தியமே இல்லை என்று தான் சொல்ல வேண்டும்.  இடம் ஒரு முதல் பற்றாக்குறை.  அடுக்கு மாடிக் குடியிருப்புகள்  [முன்பெல்லாம் மரங்கள்]  வானோங்கி நிற்க, வீட்டிற்கு வாசலையே காணோம், எங்கு செல்வது மாடுகள் வளர்க்க?

சீன வாஸ்து, ஜப்பான் வாஸ்து என்று என்னென்னவோ அதிக விலை கொடுத்து வாங்கி வைக்கின்றனர்.

நாட்டுப்  பசுக்களுக்காகவும் ஜல்லிக் கட்டு காளைகளுக்காகவும் நாம் நடத்திய இந்த அறப் போராட்டம் நல்லதொரு வாஸ்து வாகவே அமைந்து நம் நாட்டிற்கு வளம் சேர்க்கும் என்றே நம்புவோம்.    



Wednesday 28 December 2016

கருணை கிழங்கு மசியல்

கருணை கிழங்கு மசியல்




தேவையான பொருட்கள்:


கருணை கிழங்கு 400 கிராம்
மஞ்சள் தூள்  1 ஸ்பூன்

உப்பு  தேவையான அளவு
கொய்யா இலை 6
'''''''''''''''''''''''''''''''''''''''''''''''''''''''''''''''''

அரைத்து விட:

தேங்காய் அரை மூடி
பச்சை மிளகாய் 3
இஞ்சி ஒரு சிறு துண்டு
             

தாளிக்க:

கடுகு அரை ஸ்பூன்
எண்ணெய் 2 ஸ்பூன்
பச்சை மிளகாய் 1

ஒரு பெரிய எலுமிச்சை பழம்.
 
 
 கருணை கிழங்கு காரல் தன்மை அதிகம் கொண்டது.  அதன் காரணமாகவே பலர் அதை சாப்பிட மறுப்பர்.  பக்குவமாய் சமைத்து சாப்பிட்டால் நன்மைகள் பல உண்டு.

புதிய கிழங்கை காற்று படும்  திறந்த கூடையில் ஒரு இரண்டு வாரம் வைத்து விடுங்கள்.  பிறகு சமைத்தால் காரல் குறையும்.

கிழங்குகளை நன்றாக சுத்தம் செய்து நான்கு துண்டுகளாக வெட்டிக் கொள்ளவும். ஒரு குக்கர் அடுப்பில் ஏற்றி அடியில் நீர் விட்டு அதில் அரை ஸ்பூன் மஞ்சள் தூள் சேர்த்து கொய்யா இலைகளை கிள்ளிப் போட்டு கிழங்கை சேர்த்து வேக விடவும்.  நான்கு விசில் வரை வெந்தால் நல்ல மசிக்க வரும்.

[கொய்யா இலை கிடைக்கவில்லை என்றால் அரிசி களைந்த கழுநீர், மேலும் வாழை தண்டு சேர்த்தால் காரல் குறையும்]

வெந்த கிழங்கை தோல் உரித்து நன்றாக மசித்து விடவும்.

தேங்காய், பச்சை மிளகாய் இஞ்சி சேர்த்து மிக்ஸீயில்
அரைக்கவும்.

அடுப்பில் ஒரு கடாய் வைத்து கடுகு பச்சை மிளகாய் தாளித்து மசித்த விழுது, அரைத்த விழுது மஞ்சள் தூள் அரை ஸ்பூன், உப்பு சேர்த்து நீர் போதுமான அளவு விட்டு கொதிக்க விடவும்.  ஒரு கூட்டு பதமாக இருக்கலாம்.

அடுப்பிலிருந்து இறக்கி பின் எலுமிச்சை சாறு பிழிந்து விடவும்.  [தேவையானால் ஒரு ஸ்பூன் தேங்காய் எண்ணேய் சேர்க்கலாம், கொத்தமல்லி தழைகள் சேர்க்கலாம்]
நார் சத்து நிறைந்தது, மூல நோய்க்கு ஒரு மா மருந்து.  பருப்பு சாதம், சாம்பார் சாதம், வற்றல் குழம்பு சாதம்-இவற்றுடன் சாப்பிட நன்றாக இருக்கும்.

Wednesday 16 November 2016

மாகாளிக்கிழங்கு ஊருகாய்


மாகாளிக்கிழங்கு ஊருகாய் பெயரில் "கிழங்கு" என்று இருந்தாலும் பொதுவாகக் கிழங்கு வகைகள் கொடுக்கும் வாயுத் தொல்லைகள் எதுவும் தராது இந்த ஊருகாய்.

 ரத்தம் சுத்தமாகும், ரத்த அழுத்தத்தை சீராக்கும், நார் சத்து கொண்டது, எண்ணெய் இல்லாமல் அதிக காரம் இல்லாமல் வயதானவர்களும் சாப்பிடக் கூடிய ஒரு உன்னதமான ஊருகாய் இது.

 கொஞ்சம் பொறுமையும் ஆர்வமும் இருந்தால் நல்ல ஊருகாய் நம் கையில்.

தேவையான பொருள்கள்: 

 மாகாளிக்கிழங்கு -- அரை கிலோ
 கல் உப்பு -- தேவையான அளவு [ குறைவாக இருந்தால் பிறகு சேர்த்துக் கொள்ளலாம்.]
மஞ்சள் தூள் - 2 ஸ்பூன்
 கெட்டித்தயிர் -- 200 மில்லி லிட்டர்
 பச்சை மிளகாய் -10
 எலுமிச்சை பழம் - 4

 செய்முறை:

 மாகாளிக் கிழங்கை நன்றாகச் சுத்தம் செய்து வெளித் தோல் சீவ வேண்டும். மறுபடியும் ஒரு முறை நீரில் சுத்தம் செய்யவும். கிழங்கை நடுவில் பிளந்தால் ஒரு தண்டு போன்று இருக்கும்.[மரவள்ளிக்கிழங்கு போலவே] அதை நீக்கி விடவும். பிறகு சுற்றியுள்ள கிழங்கை சிறு சிறு துண்டுகளாக நறுக்கிக் கொள்ளவும்.

சற்று புளித்த தயிர் விட்டு நன்றாகக் கலந்து விடவும். ஒரு பத்து நாட்கள் ஊரினால் சாப்பிட உகந்ததாகத் தயாராகிவிடும். காரம் அதிகம் வேண்டுமென்றால் மிளகாய் வற்றல் தேவையான அளவு அரைத்து விடலாம்.


 பித்தம், வாந்தி....நீங்கும். நோய்வாய்ப் பட்டவர்களுக்கு வாய்க்கு ஏற்புடையது. பொதுவாக ஊருகாய்களின் பக்க விளைவுகள் எதுவும் இதில் இல்லை என்பது குறிப்பிடத் தக்கது. வாசனை நன்றாக இருக்கும், அதுவே சிலருக்குப் பிடிக்காது என்பர்.

பிடித்தவர்களுக்கு அமிர்தம்.

Friday 6 May 2016

நெல்லிக்காய் தொக்கு



நெல்லிக்காய் தொக்கு


தேவையான பொருள்கள்

பெரிய நெல்லிக்காய் - 20
மஞ்சள் தூள் - 2 ஸ்பூன்
உப்பு - தேவையான அளவு
மிளகாய் தூள் - 2 அல்லது 3 ஸ்பூன்
கடுகு - தாளிக்க
நல்லெண்ணெய் 100 மில்லி
பெருங்காயம் ஒரு சுண்டைக்காய் அளவு
வெந்தய பொடி - 1 ஸ்பூன் 

 


செய்முறை

நெல்லிக்காய்களை  எடுத்து நன்றாக அலம்பி சுத்தமான நீரில் போட்டு மஞ்சள் தூள், மற்றும் உப்பு சேர்த்து வேக விடவும். சூடு குறைந்ததும் விதைகளை நீக்கி  மிக்ஸீயில் அரைத்துக் கொள்ளவும்.

ஒரு வாணலியில் நல்லெண்ணெய் விட்டு பெருங்காயம், கடுகு தாளித்து பின் அரைத்த விழுது, வெந்தய பொடி  மற்றும் மிளகாய் தூள் சேர்த்து நன்றாகக் கிளரவும்.  அடி பிடிக்காமல் நன்றாகக் கிளறி பந்து போல் வரும் போது அடுப்பில் இருந்து இறக்கி ஆர விட்டு கண்ணாடி அல்லது பீங்கான்  ஜாடியில் எடுத்து வைக்கவும்.

பின் குறிப்பு: 

கண்ணாடி அல்லது பீங்கான் நல்ல பாதுகாப்பானவை.  ப்ளாஸ்டிக் தவிர்கப்பட வேண்டும்.
உப்பு, மஞ்சள், மிளகாய் தூள் எண்ணெய் இவை அனைத்தும் ப்ரிஸர்வேடிவ்.  தொக்கு வீண் ஆகாமல் காப்பதும் இவையே.  அவரவர் ருஸிக்குத் தகுந்த படி சேர்க்கலாம்.  வெந்தய பொடி நல்ல நறுமணம் தரும். வயிற்றுப் புண்களை ஆற்றும்.  

  

Friday 8 April 2016

ஆரோக்கியச் சிரிப்பு:

ஆரோக்கியச்  சிரிப்பு::

அநேகம் பேரைப் பார்க்கிறோம்.  அத்தனை பேருமா சிரித்த முகத்துடன் இருக்கிறார்கள்?
சிரித்தால் என்னஆகும்?
சிரிக்காவிட்டால் என்ன ஆகும்?
நல்ல படித்தவர்கள், மருத்துவர்கள், பெரிய பதவியில் இருப்பவர்கள் . பலரையும் கவனித்தால் சிரிப்பு என்ற ஒன்றையே மறந்தவர்களாக வலம் வருகிறார்கள்.

BALTIMORE பல்கலைக் கழகத்தில் ஓர் ஆய்வு நடத்தினார்களாம். இதய நோயால் பாதிக்கப் பட்ட  ஒரு 100 பேரில் 40 பேர் வாழ்வில் சிரிக்கவே மறந்தவர்களாம்.
தினப்படி காலை எழுவது, சிற்றுண்டி, அலுவலகம் செல்லுதல், வேலை, மாலை வீடு திரும்புதல், இரவு சாப்பாடு, தூக்கம்...

இதய நோய் வராமல் பாதுகாக்க நீங்கள் என்னென்ன முயற்சிகள் எடுப்பீர்களோ, உதாரணமாக--மாடிப்படி [லிஃப்ட் தவிர்தல்] உபயோகித்தல், பச்சை காய் கனிகளை உண்ணுதல், கீரை வகைகளை உணவில் அடிக்கடி சேர்த்தல், நடைப் பயிற்சி, இப்படி....

நன்றாகச் சிரிக்கவும் செய்யுங்கள்.

பக்க விளைவுகள் இல்லாதது சிரிப்பு

சிரிப்பு பல விஷயங்களை நேராக்க உதவும்.
இயந்திரங்கள் துரு பிடிக்காமல் இருக்க,  தேய்மானம் ஆகாமல் இருக்க,  வேகமாக இயங்க அவற்றிற்கு  எண்ணெய் இடுவது போல நாம் சிரிப்பால் நம்  உள் உறுப்புகளுக்கு எண்ணெய் இடுகிறோம்.
ஆங்கிலத்தில் இதற்கு LUBRICATION என்று சொல்லுவர்.
ENDOCRINE GLANDS சரியாக வேலை செய்யும்.
வயிறு உருள உருள சிரிக்க வேண்டும்.  கெட்ட கொழுப்பு கரைய உதவும்.
இதயத்திற்க்கும் நுரையீரலுக்கும் நல்ல மஸாஜ் கிடைக்கிறது.  .

பிறர் மனம் புண்படும்படி  கேலி செய்து சிரிக்காதீர்.
[மஹபாரதத்தில் த்ரௌபதி சிரித்ததை நினைவில் கொள்க]

சமூகவலை தளங்களில் நிறைய சிரிக்க வைக்க துணுக்குகள் வருகின்றன.  வரவேர்க்கத் தகுந்தவை.

ஹாஸ்ய ரசனை மஹா பெரியவர் போன்ற  மஹான்களுக்கும்இருந்திருக்கிறது, நினைவில் கொள்க.

தனியாக மட்டும் சிரிக்காதீர்!!!




<script>
  (function(i,s,o,g,r,a,m){i['GoogleAnalyticsObject']=r;i[r]=i[r]||function(){
  (i[r].q=i[r].q||[]).push(arguments)},i[r].l=1*new Date();a=s.createElement(o),
  m=s.getElementsByTagName(o)[0];a.async=1;a.src=g;m.parentNode.insertBefore(a,m)
  })(window,document,'script','https://www.google-analytics.com/analytics.js','ga');

  ga('create', 'UA-47810302-2', 'auto');
  ga('send', 'pageview');

</script>

Sunday 3 April 2016

கந்த சஷ்டி கவச மகிமை

தேவ ராய சுவாமிகள் அருளிச் செய்த கந்த சஷ்டிக்  கவசம் சக்தி  மிக்கது.

சாதாரணமாகவே மந்திரங்களுக்கு சக்தி உண்டு.  குறிப்பாக சஷ்டிக் கவசம் போன்ற ஸ்லோகங்கள் மிகவும் சிறப்பானவை.

பாம்பன் சுவாமிகளே சஷ்டிக் கவசம் படித்த பாதிப்பில் தான் ஷண்முக கவசம் எழுதியதாகச் சொல்லுவார்கள்.

1] இக  பர சுகங்கள் அத்தனையும் கிடைக்கப் பெறலாம்.
2] சிறுவர்கள் சிறுமியர்களுக்கு கந்த சஷ்டிக் கவசம் சொல்லிக்கொடுக்க வாக்கு வன்மை  பெரும். பேச்சாளர்ககளாக வருவார்கள்.
3] தடை இன்றி பாடங்களை வாசிக்க வரும்.  
4] அனைத்து  நோய்களுக்கும்பரம .ஔஷதம்.
5] பக்தி ருசி ஊட்டி  பிள்ளைகளை வளர்க்க உதவும்.
6] சஷ்டி விரதம் இருப்பவர்கள் ஆறு நாட்களும் தன்னால் இயன்ற அளவு கந்த சஷ்டி கவசம் வாசிக்க வேண்டுதல் நிறைவேறும்.  
இப்படி அநேக பலன்கள் சொல்லிக் கொண்டே போகலாம்.   

தமிழை தாய் மொழியாகக் கொண்டவர்கள்,  வரும் கால சந்ததிகள் தமிழை மறக்காமல் இருக்க, வளர்க்க மிகச் சிறந்த  வழிகளுள் ஒன்று  சஷ்டிக் கவசம் வாசித்தல்.

ஒழுக்கம் தானாக வரும்.









<script>
  (function(i,s,o,g,r,a,m){i['GoogleAnalyticsObject']=r;i[r]=i[r]||function(){
  (i[r].q=i[r].q||[]).push(arguments)},i[r].l=1*new Date();a=s.createElement(o),
  m=s.getElementsByTagName(o)[0];a.async=1;a.src=g;m.parentNode.insertBefore(a,m)
  })(window,document,'script','https://www.google-analytics.com/analytics.js','ga');

  ga('create', 'UA-47810302-2', 'auto');
  ga('send', 'pageview');

</script>

Friday 1 April 2016

வாங்கீ பாத்[கத்திரிக்காய் சாதம்]



தேவையான பொருட்கள்:

வடித்த சாதம் 200கிராம்
பிஞ்சு கத்திரிக்காய் கால் கிலோ
வெங்காயம் 2
என்ணெய் 3 ஸ்பூன்
புளி கரைசல் 2 ஸ்பூன்
மஞ்சள் பொடி 1ஸ்பூன்
தனியா பொடி 2 ஸ்பூன்
மிளகாய் பொடி2 ஸ்பூன்
கடுகு, உளுந்து, மிளகாய் வற்றல், - தாளிக்க
 உப்பு தேவைக்கு ஏற்ப
.அலங்கரிக்க கொத்துமல்லி,   தக்காளித் துண்டுகள்.

செய்முறை:

என்ணெய்யில்  கடுகு, மிளகாய் வற்றல், உளுந்து தாளித்து பிறகு பொடியாக நறுக்கி வைத்த வெங்காயம் சேர்த்து வதக்கவும்.
ஒரு 3 நிமிடம் வதங்கியதும் நறுக்கி வைத்த கத்திரிக்காய்களைச் சேர்க்கவும்.
மஞ்சள் தூள், தனியா தூள், மிளகாய் தூள், புளி கரைசல், உப்பு சேர்த்து நன்றாக வதக்கவும்
பிறகு சாதத்தை போட்டுக் கிளரவும்.


பின் குறிப்பு:

சாதம் வடிக்க பாஸ்மதி அரிசியும் உபயோகிக்கலாம்.
சிறு தானியங்கள் உபயோகித்தாலும் நல்ல ருசி இருக்கும்.
வாசனைக்கு ஒன்றிரண்டாகப் பொடித்த வேர்க்கடலை சேர்க்கலாம்.
முந்திரி-அவரவர் விருப்பம், வசதி போல.

<script>
  (function(i,s,o,g,r,a,m){i['GoogleAnalyticsObject']=r;i[r]=i[r]||function(){
  (i[r].q=i[r].q||[]).push(arguments)},i[r].l=1*new Date();a=s.createElement(o),
  m=s.getElementsByTagName(o)[0];a.async=1;a.src=g;m.parentNode.insertBefore(a,m)
  })(window,document,'script','https://www.google-analytics.com/analytics.js','ga');

  ga('create', 'UA-47810302-2', 'auto');
  ga('send', 'pageview');

</script>